“Al-Xorazmiy” majmuasida qurilish ishlari jadal suratda olib borilayotgan koʻp tarmoqli xususiy klinika binosi.
Bu zamonaviy klinika mamlakatimizda xususiy tibbiyotni rivojlantirish boʻyicha yaratilgan tizim natijalaridan biri. Bu koʻp tarmoqli xususiy klinika 7-qavatdan iborat boʻlib 2 ta lift bilan jihozlangan, Klinikada endokrinologiya, nevrologiya, kardiologiya, oftalmologiya, urologiya, otorinolaringologiya, ultratovush tashxisi, terapiya, fizioterapiya boʻyicha konservativ davolash yoʻlga qoʻyilgan. Shifo maskani raqamli rentgen, kompyuter tomografiyasi, suyak densitometri, yurak defibrillyatori kabi ilgʻor diagnostika uskunalari bilan jihozlangan, hozirgi kundagi barcha zamonaviy talablarga hamma tomonlama javob beradigan koʻp tarmoqli xususiy klinikalardan biri boʻladi.